భర్తను రోకలిబండతో కొట్టి హతమార్చిన భార్య

మంచిర్యాల: జిల్లా కేంద్రంలోని అశోక్‌నగర్‌లో దారుణ ఘటన చోటుచేసుకుంది. భర్త మోహన్‌ను భార్య జమున రోకలిబండతో కొట్టి హతమార్చినట్లు సమాచారం. దంపతులకు నాలుగేళ్ల కుమార్తె ఉన్నట్లు తెలిసింది. సమాచారం అందుకున్న పోలీసులు సంఘటనా స్థలానికి చేరుకుని వివరాలు సేకరించారు. మృతదేహాన్ని పరిశీలించి హత్యకు గల కారణాలపై దర్యాప్తు చేపట్టారు. కుటుంబ కలహాలా.. ఇతర కారణాలా అనే కోణాల్లో పోలీసులు ఆరా తీస్తున్నారు.