telanganagontuka.com
నిరూప్‌నగర్‌లో కొండచిలువ కలకలం
వరంగల్: గ్రేటర్ వరంగల్ 65వ డివిజన్‌ కోమటిపల్లి ప్రాంతంలోని నిరూప్‌నగర్‌లో కొండచిలువ కనిపించడంతో స్థానికులు భయాందోళనకు గురయ్యారు. మధుతండా నుంచి బొడ్రాయి వెళ్లే మార్గంలోని ఓపెన్ ప్లేస్‌ ప్రహరీ నుంచి కొండచిలువ బయటకు వచ్చింది. దీన్ని గమనించిన స్థానికులు ఆందోళన చెందగా, కొద్దిసేపటి తర్వాత అది సమీపంలోని చెట్ల పొదల్లోకి వెళ్లిపోవడంతో ఊపిరి పీల్చుకున్నారు. అధికారులు స్పందించి కొండచిలువను సురక్షితంగా పట్టుకుని తరలించాలని స్థానికులు కోరుతున్నారు.