బీజేపీ తరఫున పోటీ చేయాలని జ్ఞానేష్ కుమార్ కోరారు

న్యూఢిల్లీ: 2019 సార్వత్రిక ఎన్నికల్లో కేరళలోని పతనంతిట్ట లోక్‌సభ నియోజకవర్గం నుంచి బీజేపీ తరఫున పోటీ చేయాలని ఎన్నికల ప్రధాన కమిషనర్‌ జ్ఞానేష్ కుమార్ తనను కోరినట్లు కేరళ మాజీ ప్రధాన కార్యదర్శి జీజీ థామ్సన్ తెలిపారు. 2016లో ఢిల్లీకి విమానంలో ప్రయాణిస్తున్న సమయంలో జ్ఞానేష్ కుమార్ తనతో ఈ విషయాన్ని చెప్పారని ఆయన వెల్లడించారు. జ్ఞానేష్ కుమార్‌తో జరిగిన సంభాషణకు సంబంధించిన వివరాలను జీజీ థామ్సన్ తాజాగా వెల్లడించినట్లు పేర్కొన్నారు. ఎన్నికల సంఘానికి సంబంధించిన వ్యక్తిపై మాజీ అధికారి చేసిన ఈ వ్యాఖ్యలు రాజకీయంగా చర్చనీయాంశంగా మారాయి.