వరంగల్‌: మామునూరు ఎయిర్‌పోర్టుకు కాకతీయ రాజులైన రాణి రుద్రమదేవి, గణపతిదేవుల పేర్లు పెట్టాల్సిన అవసరం లేదని పలువురు అభిప్రాయపడుతున్నారు. ఇప్పటికే పలు సంస్థలు, ప్రాజెక్టులకు వారి పేర్లు ఉన్నాయని పేర్కొంటున్నారు. కాకతీయుల పాలనలో సమ్మక్క–సారక్కలపై జరిగిన ఘటనల నేపథ్యంలో వారి పేర్లను విమానాశ్రయానికి పెట్టవద్దని కొందరు డిమాండ్‌ చేస్తున్నారు. తెలంగాణ ఉద్యమానికి, రాష్ట్ర సాధనకు ప్రొఫెసర్‌ జయశంకర్‌ చేసిన కృషిని గుర్తించి ఆయన పేరు పెట్టాలని కోరుతున్నారు. జయశంకర్‌ పేరు సాధ్యం కాకపోతే మాజీ ప్రధాని పీవీ నరసింహారావు పేరు పరిశీలించాలని సూచిస్తున్నారు.
