అక్టోబర్‌ 2 సీమ చరిత్రలో నిలిచిపోతుంది: చంద్రబాబు
కరవు సీమను సిరుల సీమగా, రాయలసీమను ప్రపంచానికి ‘ఫ్రూట్‌ బౌల్‌’గా తీర్చిదిద్దుతామని సీఎం పేర్కొన్నారు. నేడు వేసిన అడుగు సీమ రైతుల తలరాతను మార్చే దిశగా ఉంటుందని అన్నారు. హార్టికల్చర్‌ హబ్‌ ద్వారా ఉద్యాన పంటల సాగు, ప్రాసెసింగ్‌, కోల్డ్‌చైన్‌, మార్కెటింగ్‌, ఎగుమతులకు ప్రాధాన్యం కల్పించి రైతులకు మరిన్ని అవకాశాలు కల్పించేలా ప్రణాళికలు రూపొందించినట్లు తెలిపారు.
రాయలసీమ బిడ్డగా ఈ కార్యక్రమం తనకు ఎంతో ఆనందాన్ని కలిగిస్తోందని చంద్రబాబు అన్నారు. గ్లోబల్‌ హార్టికల్చర్‌ హబ్‌ ద్వారా ప్రాంత అభివృద్ధికి మరో కీలక అడుగు పడిందని పేర్కొన్నారు.