హైదరాబాద్‌: తెలుగు రాష్ట్రాల్లో వాతావరణ పరిస్థితుల్లో మార్పులు కొనసాగుతున్నాయి. ఇటీవల వాయుగుండం ప్రభావంతో పలు ప్రాంతాల్లో వర్షాలు కురిసిన అనంతరం ప్రస్తుతం కొన్ని ప్రాంతాల్లో ఉక్కపోత, మరికొన్ని చోట్ల పొడి వాతావరణం నెలకొంది. ఉత్తర కోస్తా తమిళనాడు, పరిసర ప్రాంతాలపై ఉపరితల ఆవర్తనం కొనసాగుతున్నట్లు వాతావరణ శాఖ తెలిపింది. దీంతో కొన్ని ప్రాంతాల్లో ఉరుములు, మెరుపులతో వర్షాలు కురిసే అవకాశం ఉందని తాజా వాతావరణ నివేదికలు సూచిస్తున్నాయి.
