*చెన్నారంలో మద్యం జోరు!*
గ్రామంలో మద్యం విక్రయాలు నిర్వహించే బెల్టు షాపుల సంఖ్య క్రమంగా పెరుగుతోందని గ్రామస్థులు ఆరోపిస్తున్నారు.
అనుమతులు లేకుండా కిరాణ దుకాణాలతో పాటు కొన్ని చిల్లర దుకాణాల్లోనూ మద్యం విక్రయాలు జరుగుతున్నాయన్న ఆరోపణలు వినిపిస్తున్నాయి.
దీంతో పగలు, రాత్రి అనే తేడా లేకుండా మద్యం అందుబాటులో ఉంటోందని స్థానికులు చెబుతున్నారు.
నిబంధనలకు విరుద్ధంగా విక్రయాలు జరుగుతున్నా ఎక్సైజ్ అధికారులు పట్టించుకోవడం లేదని ఆరోపిస్తున్నారు.
మద్యం సులభంగా లభించడం వల్ల యువతలో కొందరు మద్యానికి బానిసలవుతున్నారని తల్లిదండ్రులు ఆందోళన చెందుతున్నారు.
రోజువారీ కూలీ, చిన్నచిన్న పనులు చేసుకునే కుటుంబాల ఆదాయంలో కొంత భాగం మద్యానికే వెళ్తోందని పలువురు వాపోతున్నారు.
మద్యం కారణంగా కుటుంబాల్లో గొడవలు, ఆర్థిక ఇబ్బందులు పెరుగుతున్నాయని గ్రామస్థులు అంటున్నారు.
సంసారాల్లో చిచ్చు..!
*పచ్చని సంసారాల్లో చిచ్చు పెడుతున్న
మద్యం విక్రయాలపై నియంత్రణ లేకపోతే గ్రామీణ ప్రాంతాల్లో సామాజిక సమస్యలు మరింత పెరిగే ప్రమాదం ఉందని స్థానికులు ఆందోళన వ్యక్తం చేస్తున్నారు.
యువతను మద్యానికి దూరంగా ఉంచాల్సిన సమయంలో గ్రామంలో మద్యం సులభంగా లభిస్తుండటం బాధాకరమని తల్లిదండ్రులు చెబుతున్నారు. గ్రామంలో అనుమతులు లేని ప్రదేశాల్లో మద్యం విక్రయాలు జరుగుతున్నాయా? అనే అంశంపై అధికారులు క్షేత్రస్థాయిలో విచారణ చేయాలని డిమాండ్ చేస్తున్నారు.
*ఎక్సైజ్ అధికారుల నిఘా ఏదీ?*
చెన్నారం గ్రామంలో మద్యం విక్రయాలపై వస్తున్న ఆరోపణలపై ఎక్సైజ్ అధికారులు ప్రత్యేక దృష్టి సారించాలని స్థానికులు కోరుతున్నారు. వ్యాపార, చిల్లర దుకాణాల్లో జరుగుతున్న అమ్మకాలపై ఆకస్మిక తనిఖీలు నిర్వహించాలని డిమాండ్ చేస్తున్నారు.
నిబంధనలు ఉల్లంఘించినట్లు తేలితే బాధ్యులపై చట్టపరమైన చర్యలు తీసుకోవాలని కోరుతున్నారు.
ప్రజాప్రతినిధులు కూడా ఈ సమస్యపై స్పందించి గ్రామంలో మద్యం విక్రయాల నియంత్రణకు చర్యలు చేపట్టాలని విజ్ఞప్తి చేస్తున్నారు.
అధికారుల క్షేత్రస్థాయి తనిఖీలతోనే చెన్నారంలో మద్యం విక్రయాలపై వస్తున్న ఆరోపణల్లో వాస్తవమెంతన్నది తేలనుంది.